"MUGALIM" қоғамдық бірлестігі мен "Teach for Qazaqstan" қоғамдық қоры ынтымақтастық туралы Меморандумға қол қойды

Келісім-шарт аясында келесі мақсат көзделеді:
- білім беру саласындағы жобаларды іске асыру бойынша ынтымақтастық
- ақпарат алмасу 
- білім беру бағдарламалары мен жобаларын әзірлеу және бағалау мақсатында тәуелсіз сарапшыларды, ғалымдарды, зерттеушілерді, кәсіпкерлер мен қоғам қайраткерлерін тарту
- білім беру бағдарламалары мен жобаларына қатысушыларды тарту бойынша көмек

Осылайша, қос тарап консультациялар, семинарлар, тренингтер, конференциялар, дөңгелек үстелдер, симпозиумдар, біліктілікті арттыру және кәсіптік қайта даярлау курстары, шеберлік сыныптары, кәсіптік тағылымдамалар және бірлескен ғылыми-зерттеу жобаларын іске асыру кезінде жәрдемдесу сияқты бірлескен іс-шараларды өткізу туралы келісімге келді.

Фотосуретте: “Mugalim” ҚБ Басқарма Төрағасы Арафат Нұрлақов және "Teach for Qazaqstan" қоғамдық қорының директоры Гүлнара Салмен

Анықтама: "MUGALIM" ҚБ мұғалім мамандығын игеріп жатқан студенттердің кәсіби қалыптасуына жан-жақты қолдау көрсетеді және ықпал етеді.