Teach for Qazaqstan жобасының тарихы

Teach For All – білім сапасын арттыруға ұмтылатын тәуелсіз әлеуметтік кәсіпорындардың жаһандық желісі. 2007 жылы Венди Копп («Teach for America», АҚШ) және Бретт Уигдорц («Teach First», Ұлыбритания) нетворкингтің (желілік байланыстың) негізін қалаған. Бүгінгі таңда бұл бастама әлемнің 60-қа жуық елінде сәтті жүзеге асып келеді, қатысушы мұғалімдер саны 50 мыңнан асты.

Ұлыбританияда аталмыш бағдарлама Оксфорд пен Кембридж түлектері үшін №1 жұмыс берушіге айналды.

АҚШ-та 3000-нан астам мектепті бағдарламаның түлектері басқарды.

Бағдарлама түлектерінің 70%-дан астамы білім беру жүйесінде қалады. Бағдарламаның түлектері:

білім беру жүйесінің кадрлық резервтері;
мектептегі жобалардың бастамашылары;
мектептегі білім беру саласындағы инновациялық жобалардың авторлары мен менеджерлері;
мектептер мен оқу орталықтардың директорлары;
білім берудегі теңсіздік мәселелерін зерттеушілер;
білім беру саласындағы сарапшылар, талдаушылар немесе бағалаушылары болады.

Teach for All тобын біріктіретін принциптер:

Болашақ көшбасшыларды іріктеу және қабылдау;
Қатысушыларды оқыту және дамыту;
Әлеуметтік-экономикалық жағдайы ерекше мектептерге бағдарлама қатысушыларын мұғалім ретінде тағайындау;
Бағдарлама түлектерінің қауымдастығын құру;
Бағдарламаның тиімділігін өлшеу.

BCG, McKinsey, Google, Siemens, Visa, Goldman Sachs, ЭЫДҰ сияқты ірі ұйымдар бағдарламаға қолдау көрсетеді.

Соңғы 11 жылда «Teach for All» қолдауымен Қазақстанда «Teach for Kazakhstan» атты жобаны іске қосуда бірнеше рет ұмтылыс болды.

Саясат Нұрбек, Қазақстан Республикасының Ғылым және жоғары білім министрі, 2012 жылы «Bolashaq» ХБО АҚ президенті бола отырып, «Teach for America» ұйымымен белсенді келіссөздер жүргізді. Ол «Болашақ» түлектерін мектептерге тартуға ұмтылды. Өкінішке орай, жоба қолдау таппады және елімізде басталмады.

2018 жылы Гүлназ Корданова жетекшілік ететін ұжым «Teach for All» жаһандық ҮЕҰ серіктестік орнатып, «Teach for Kazakhstan» ҚҚ ашуға қол жеткізді. Гүлназ Корданованың Гарвард университетіне оқуға түсуіне байланысты жоба жаңа командаға берілді.

2022 жылдың қыркүйегінде Дулатбек Икбаев пен Гульнара Салменова «Teach for Qazaqstan» (Q арқылы) ҚҚ құру арқылы жобаға жаңа дем берді. «Teach for All» және McKinsey Kazakhstan сияқты жаһандық ұйымдар жобаға алғашқы күннен бастап қолдау көрсетуде. Қазақстан Республикасының Оқу-ағарту министрлігі және ҚР Ғылым және жоғары білім министрлігі TFQ-мен ынтымақтастықта және серіктестікте жұмыс жүргізуде. Қазақстан Республикасы Мәжілісінің депутаттары мен мектептегі білім беру саласындағы топ-менеджерлер жобаның қалыптасу тарихына бей-жай қарамай, қолдау көрсетуде.

Айта кетейік, бұған дейін Қазақстан аумағында «Teach for Kazakhstan» қоры жұмыс істеген, бірақ ол өз жұмысын тоқтатты. Бүгінгі күні «Teach for Qazaqstan» ҚҚ «Teach for All» компаниясымен өзара түсіністік туралы меморандумға және серіктестік келісіміне қол қойды.