Артқа

TFQ I ағымы Жазғы институтының аяқталуы

12 там. 2023
TFQ I ағымы Жазғы институтының аяқталуы
1 қыркүйек - алғашқы қоңыраудың соғылып, ұлдар мен қыздардың мектеп есігін ашатын уақытқа, міне, небәрі бір аптадай қалды! Ал сол кез бүлдіршіндермен бірге біздің финалистер де мұғалімдік жолға түспек.

Жаз бойы біз олардың Suleyman Demirel University базасында педагогикалық қайта даярлаудан өтіп жатқаны туралы әңгімелерімен бөлістік. Қорытындылау уақыты келіп жеткен секілді.

Педагогикалық қайта даярлау дегеніміз не? Бұл белгілі бір мамандығы бар, бірақ мұғалім мамандығын алғысы келетіндерге арналған арнайы бағдарлама. Мұндай бағдарламалар білім беру саласында жұмыс істеу үшін қажетті білім мен дағдыларды алуға мүмкіндік береді. Осылайша шілде айында арнайы тестілеу - Педагогтердің білімін бағалауды тапсырып, финалистеріміз мектепте жұмыс істеуге құқылы болды.



Статистикаға жүгінсек, қатысушыларымыз:
- 40 күн таңнан кешке дейін, дүйсенбіден сенбіге дейін оқыпты
- 45 кредиттен өткен
- 4 лагерь және 400-ге жуық баламен жұмыс істеген
- 20 спикердің семинарларынан өткен

және 39-ы педагогикалық қайта даярлау бойынша сертификатталған.

Педагогикалық қайта даярлаудың қандай артықшылықтары бар? Бұл педагогикалық біліктілікке ие болудың, мұғалім болудың салыстырмалы түрде жылдам әдісі. Біздің бағдарламамыздың арқасында қатысушылар оқыту әдістемесі бойынша білім алды, пед.коммуникация, балалар құқығы, эмоционалды интеллект, жұмсақ дағдылар, суретке түсіру, адам құқықтарын қорғау және т. б. салаларындағы әртүрлі спикерлерден ақпарат алды.

Биыл - Teach for Qazaqstan жобасы аясындағы алғашқы оқу жылы. Біз болашаққа үлкен үмітпен қараймыз: осы жаз және қатысушылардың алғашқы командасы әлемді өзгертетіндей үлкен нәрсенің бастамасы болсын деп тілейміз.

Последние новости

Қарағанды облыстық бейнелеу өнері музейінде Teach for Qazaqstan Жазғы институтының ашылуы өтті
05 шіл. 2024
Қарағанды облыстық бейнелеу өнері музейінде Teach for Qazaqstan Жазғы институтының ашылуы өтті
Қарағанды облыстық бейнелеу өнері музейінде Teach for Qazaqstan Жазғы институтының ашылуы өтті. Бұл кеште бізбен бірге 1 және 2 лек қатысушылары, бағдарламаның командасы, қамқоршылық кеңесінің мүшелері, сондай-ақ қымбатты қонақтарымыз – спикерлер, білім саласындағы сарапшылар мен Қордың достары болды. Кештің салтанатты бөлімінде TFQ басты серіктестері Freedom Shapagat Қоры сөз сөйледі. Сонымен қатар Қарағанды облыстық бейнелеу өнері мұражайымен Ынтымақтастатық меморандумына қол қойылды. Жазғы институттың ашылуы шеңберінде қонақтар «Менің мектептегі алғашқы жылым» көрмесін тамашалады. Көрмеде мектепте жұмыс істеген алғашқы жылы жайында ерекше әрі шабыттандырушы оқиғаларымен бөліскен Teach for Qazastan бағдарламасы 1 лек қатысушыларының еңбектері ұсынылды. Іс-шара жылы бейресми бөліммен тәмамдалды, онда келгендердің бәрі бір-бірімен еркін жағдайда әңгімелесіп, өз ойларымен бөлісіп, жаңа байланыстар орната алды. TFQ осы мерекені бізбен бірге бөліскен барлық қонақтарға зор алғысын білдіреді, ал қатысушыларға біздің Жазғы Институтымызда жемісті әрі қызықты уақыт тілейді.
Teach for Qazaqstan Қорына - 1 жыл!
28 қыр. 2023
Teach for Qazaqstan Қорына - 1 жыл!
1 қыркүйек - Білім күні!
01 қыр. 2023
1 қыркүйек - Білім күні!
TFQ қатысушылары Педагогтердің білімін бағалау тестілеуінен сәтті өтті
20 шіл. 2023
TFQ қатысушылары Педагогтердің білімін бағалау тестілеуінен сәтті өтті
Teach for Qazaqstan Қамқоршылық кеңесінің отырысы өтті
07 шіл. 2023
Teach for Qazaqstan Қамқоршылық кеңесінің отырысы өтті