Жаңалықтар

Teach For Qazaqstan алғашқы Alumni-ретритін өткізіп, бағдарламаның бірінші лекінің түлектерін, екінші лекінің қатысушыларын және Teach For All жаһандық желісінен келген қонақтарды бір алаңға жинады. Екі күндік кездесу тәжірибе мен мағыналарды тоғыстырып, Қазақстандағы білімнің болашағына деген ортақ көзқарасты қалыптастыруға бағытталды.

Абай қаласындағы екі мектепте «АЙНА» отбасылық фестивалі өтті. Балалар мен ата-аналар өзін және бір-бірін тереңірек танып, сенім мен түсіністікке жол ашты. Толығырақ фестиваль атмосферасы мен қатысушылардың әсерлері туралы оқыңыз.

Жаңа оқу жылынан бастап TFQ бағдарламасы өз ауқымын кеңейтеді. Енді оған еліміздің тағы үш өңірі – Павлодар, Қостанай және Ақтөбе облыстары қосылады. Бұл кеңею – біздің ортақ мақсатымызға қарай жасалған маңызды қадам. Яғни, еліміздің әрбір баласы, тұрғылықты жеріне қарамастан, сапалы білімге және жарқын болашаққа қадам жасауға мүмкіндік алуы қажет.

Алты аптаға созылған жаңалықтарға толы, шешімдер мен өзара қолдауға негізделген бағдарлама өз мәресіне жетті! Әрбір қатысушы қайта даярлаудан өткені туралы сертификат алды. Маңызды тақырыптар бойынша дәрістер мен практикалық сессия өткізген спикерлерге ерекше алғыс білдіреміз. Сондай-ақ, қонақ дәрістері үшін бірінші және екінші легінің қатысушыларына рахмет. Сіздердің арқаларыңызда Жазғы Институт нағыз тәжірибе, кәсіби өсу және шабыт мектебіне айналды. Жазғы лагерьді ұйымдастыруға қолдау көрсеткен серіктес мектептерге бөлек алғысымызды айтамыз: – Мәшһүр Жүсіп атындағы мектеп (Новоузенка ауылы) – №11 мектеп (Новодолинский кенті).